Categories: कृषी गुन्हे

शेतकऱ्यांच्या PM किसान योजनेतील ११० कोटी रूपयांवर डल्ला..!

नवी दिल्ली | देशातील शेतकरी वर्गात प्रसिध्द असणाऱ्या पीएम किसान योजनेत तब्बल ११० कोटी रूपयांचा घोटाळा झाल्याचे उघड झाले आहे. हा घोटाळा तामिळनाडूमध्ये उघडकीस आला असून घोटाळ्यात सरकारी अधिकारी व स्थानिक पातळीवरील नेत्यांनी पैशांची लूट केल्याचे निदर्शनास आले आहे. 

लॉकडाऊनच्या काळात काही निर्बंध शिथिल केल्यानंतर हा घोटाळा करण्यात आल्याचे निदर्शनास आले आहे. या ११० कोटी रुपयांचा राज्याच्या १३ जिल्ह्यातील ५.५ लाख गरजू शेतकऱ्यांना फायदा झाला असता. घोटाळ्यात सामील असणाऱ्यांनी लाभार्थी यादीत बनावट नावे घुसडल्याचे समोर आले आहे.

पीएम किसान योजनेतील हा घोटाळा तामिळनाडू राज्यातील कल्लाकुरिची, विल्लुपुरम, कुड्डालोर, तिरुवन्नमलाई, वेल्लोर, रानीपेट, सालेम, धर्मपुरी, कृष्णगिरी व चेंगलपेट जिल्ह्यात झाला आहे. तामिळनाडूचे मुख्यमंत्री पलानीस्वामी यांच्या सालेम जिल्ह्यात सर्वाधिक भ्रष्टाचाराची प्रकरणे आढळली असल्याचा आरोप द्रमुकचे नेते स्टालिन यांनी केला आहे.

दरम्यान, या प्रकरणात १८ एजंटना ताब्यात घेतले असून, या योजनेशी निगडित असलेल्या ८० अधिकारी तसेच प्रशासनातील ३४ अधिकाऱ्यांचे निलंबन करण्यात आले आहे. या निलंबित अधिकाऱ्यांमध्ये राज्याच्या कृषी खात्यातील तीन सहाय्यक संचालक आहेत. ११० कोटी. रु.च्या घोटाळ्यातील ३२ कोटी रु.ची वसुली झाली असून अन्य पैसे येत्या ४० दिवसात मिळतील, असे तामिळनाडू सरकारचे म्हणणे आहे.

Team Lokshahi News

Share
Published by
Team Lokshahi News
Tags: 24000 rupees pm kisan 6000 RUPEES PM KISAN SAMMAN YOJANA buy insurance Farmer loan get insurance Insurance Kisan credit card KISAN SAMMAN YOJANA online crop loan ONLINE PM KIsan PM KISAN LIST PM KISAN LIST 2019 PM KISAN LIST 2020 PM kisan penssion scheme PM KISAN SAMMAN NIDHI YOJANA PM KISAN SAMMAN NIDHI YOJANA 2019 PRADHAN MANTRI KISAN SAMMAN NIDHI YOJANA 2019 एलजी डायरेक्टरी किसान क्रेडीट कार्ड किसान सम्मान निधि योजना पीएम किसान पीएम किसान निधि योजना पीएम किसान पोर्टल पीएम किसान मानधन योजना पीएम किसान योजना लिस्ट पीएम किसान समाधान योजना पीएम किसान सम्मान निधि योजना पीएम किसान सम्मान योजना लिस्ट पीएम-किसान योजना प्रधानमंत्री किसान निधि योजना फार्म प्रधानमंत्री किसान सम्मान निधि योजना मोदी सरकार मोदी सरकार की योजना