Categories: कृषी

पीएम किसान योजनेचा लाभ घेताय? मग ही बातमी वाचाच..!

नवी दिल्ली | आपण जर पीएम किसान योजनेचा लाभ घेत असाल तर ही बातमी आपल्यासाठी महत्वाची आहे. कारण पंतप्रधान किसान निधी योजनेचा गैरफायदा घेऊन वर्षाला ६००० रूपयांचा लाभ उकळणाऱ्यांवर सरकारने कारवाई करण्यास सुरूवात केली आहे. या योजनेचा गैरफायदा घेणाऱ्या लोकांच्या खात्यात जमा करण्यात आलेले पैसे सरकारने परत घेतले असून यामध्ये ८ राज्यातील तब्बल १ लाख १९ हजार ७४३ लाभार्थ्यांचा समावेश आहे. या लोकांनी पीएम किसान योजनेचा लाभ घेण्यासाठी सरकारकडे सुपुर्द केलेली माहिती आणि त्यासाठी सादर केलेली कागदपत्रे जुळली नसल्याने सध्या ही कारवाई करण्यात आली आहे. गैरफायदा घेतला जात असल्याचा मुद्दा समोर आल्याने सरकारने पीएम किसान योजनेतील लाभार्थ्यांची पडताळणी करण्याचा निर्णय घेतला आहे. 

पंतप्रधान किसान सन्मान निधी योजनेच्या माध्यमातून देशातील १० कोटी शेतकऱ्यांना या योजनेचा लाभ दिला जात आहे. योजनेनुसार शेतकऱ्यांना दरवर्षी समान तीन हप्त्यात ६००० रूपयांचे वाटप थेट हस्तांतरणाच्या माध्यमातून केले जाते. परंतु या योजनेत काहीजणांनी चुकीची माहिती देऊन लाभ उकळल्याच्या घटना समोर आल्याने सरकारने लाभार्थ्यांपैकी ५ टक्के लाभार्थी शेतकऱ्यांची फिजीकल वेरिफिकेशन पध्दतीने पडताळणी करण्याचा निर्णय घेतला आहे. हे काम प्रत्येक जिल्हा पातळीवर होणार असून जिल्हाधिकारी यांच्या अखत्यारीत होणार आहे. 

यासाठी नियुक्त करण्यात आलेली सरकारी अधिकाऱ्यांची टीम योजनेतील लाभार्थ्यांच्या पर्यंत पोहचून त्यांची आर्थिक स्थिती, त्यांनी जमा केलेली कागदपत्रे, ते खरोखर शेतकरी आहेत की फक्त शेतकरी असल्याचे पुरावे सादर करून लाभ उचलतात हे पाहिले जाणार आहे. आर्थिक स्थिती मजबूत असताना देखील लाभ उचलणाऱ्यांना यापुढे लगाम घातला जाणार आहे. आणि खरोखर ज्या शेतकऱ्यांना लाभाची गरज आहे, अशा शेतकऱ्यांना या योजनेतून लाभ देण्याचा प्रयत्न सरकारच्यावतीने केला जाणार असल्याचे या योजनेशी संबंधित असलेल्या अधिकाऱ्यांनी माहिती देताना सांगितले आहे.

Team Lokshahi News

Share
Published by
Team Lokshahi News
Tags: 6000 ruppees PM KISAN SAMMAN YOJANA animal husbandory buy insurance Dairy farming in India dairy farming in Maharashtra Farmer loan get insurance Insurance KISAN SAMMAN YOJANA online crop loan ONLINE PM KIsan PM KISAN LIST PM KISAN LIST 2019 PM KISAN LIST 2020 PM KISAN SAMMAN NIDHI YOJANA PM KISAN SAMMAN NIDHI YOJANA 2019 PRADHAN MANTRI KISAN SAMMAN NIDHI YOJANA 2019 एलजी डायरेक्टरी किसान कॉल सेंटर योजना किसान क्रेडिट कार्ड की वैधता किसान क्रेडिट कार्ड कैसे बनवाएं किसान क्रेडिट कार्ड धारक की मृत्यु किसान क्रेडिट कार्ड नवीनीकरण किसान क्रेडिट कार्ड महाराष्ट्र किसान क्रेडिट कार्ड योजना 2019 किसान क्रेडिट कार्ड हेल्पलाइन नंबर किसान सम्मान निधि योजना पशुपालन पशुपालनासाठी कर्ज पशुसंवर्धन पशुसंवर्धन विभाग पीएम किसान पीएम किसान निधि योजना पीएम किसान पोर्टल पीएम किसान योजना लिस्ट पीएम किसान समाधान योजना पीएम किसान सम्मान निधि योजना पीएम किसान सम्मान योजना लिस्ट पीएम-किसान योजना पीक कर्ज माफ पीक कर्ज व्याज सवलत प्रधानमंत्री किसान निधि योजना फार्म प्रधानमंत्री किसान सम्मान निधि योजना महात्मा फुले कर्ज माफी योजना मोदी सरकार मोदी सरकार की योजना शेतकऱ्यांच्या मदतीसाठी किसान कॉल सेंटर