पदवीधर मतदार यादीमध्ये ‘असे’ तपासा आपले नाव; यादीत नाव नसल्यास एका क्लिकवर करा नोंदणी!

पुणे | महाराष्ट्र विधान परिषदेच्या पदवीधर मतदारसंघातील रिक्त जागेसाठी निवडणुकीचा कार्यक्रम भारत निवडणूक आयोगाने घोषित केला आहे. तत्पूर्वी ज्या पदवीधरांनी मतदार यादीत नाव नोंद केले आहे अशांनी मतदान यादीत आपले नाव तपासून ते योग्य असल्याची खात्री करावी. जर यादीत नाव नसेल तर तात्काळ नोंदणी करावी. या दोन्ही प्रक्रिया अत्यंत सोप्या असून घरबसल्या मोबाईलवर देखील पूर्ण करता येतात. त्यासाठी खालील लिंकचा आधार घ्यावा लागेल.

नाव चेक करण्यासाठी लिंक –
https://ceo.maharashtra.gov.in/gtsearch1/

पदवीधर मतदार यादीत नावनोंदणी करण्यासाठी लिंक –
https://ceo.maharashtra.gov.in/GOnline/Graduate19.aspx

• पदवीधर मतदार नोंदणीकरिता आवश्‍यक कागदपत्रे (सर्व ओरिजनल डॉक्युमेंट स्कॅन करून अटॅच करावीत)
  • १. रहिवासाचा पुरावा. (आधार कार्ड/मतदान ओळखपत्र)
  • २.शेवटच्या वर्षाचे मार्कलिस्ट/ पदवी प्रमाणपत्र (डिसेंबर २०१६ पर्यंतचा पदवीधर आवश्यक)
  • ३. विवाहित महिलेने विवाहानंतर नाव बदलले असल्‍यास त्‍याबाबतचे राजपत्र/ पॅन कार्ड/राजपत्र नसल्‍यास प्रतिज्ञापत्र.
  • ४. फोटो