Categories: Featured

उपमुख्यमंत्री अजित पवार राज्यातील पोलिसांसाठी करणार ‘हे’ महत्वाचे काम

लोकशाही.न्यूज। राज्याचे उपमुख्यमंत्री अजित पवार राज्यातील पोलिसांसाठी महत्वाचे काम करणार असून यामुळे अवघ्या १८० चौरस फूटाच्या घरात राहणाऱ्या पोलिसांना चांगल्या प्रकारची घरे उपलब्ध होणार आहेत. पवार यांनी आपल्या मंत्रीपदाचा कार्यभार स्वीकारल्यानंतर ते लगेच कामाला लागले आहेत. 

पोलिसांना चांगल्याप्रकारची घरे उपलब्ध करुन देण्यासाठी राज्यभरातील मुंबई, पुणे, पनवेल सारख्या इतर भागांमध्ये नवे प्रकल्प सुरु करणार असल्याची माहिती त्यांनी  यावेळी दिली. पुण्यात प्रसारमाध्यमांशी ते बोलत होते. सध्या राज्यातील पोलिसांना अवघ्या १८० स्क्वेअरफूटाच्या घरात रहावे लागत आहे. ते आपली कायदा आणि सुव्यवस्था बघतात. आपल्यासाठी २४ तास राबतात. त्यामुळे त्यांच्यासाठी मला काम करायचे आहे, अशा शब्दात अजित पवार यांनी पोलिसांच्या घराविषयी आपली भुमिका स्पष्ट केली. 

सध्या शेतकऱ्यांच्या कर्जमाफीला लागणारी रक्कम गृहित धरुन बाकीच्या कामांना कितपत निधी द्यायचा? याबाबत माझे कामकाज सुरु आहे. सध्या मी सर्व विभागांचा आढावा घेत आहे. याविषयावर चर्चा करतोय आणि अधिकाऱ्यांशी बोलत आहे. अधिकाऱ्यांचे याबाबत काय मत आहे? हे देखील जाणून घेण्याचा प्रयत्न करत आहे, असे अजित पवार यांनी सांगितले.

Lokshahi News

Share
Published by
Lokshahi News
Tags: Ajit Pawar Business Insurance deputy cm Ajit Pawar home loan house loan for govt. servant India news insurance against loan Insurance quotes loan for house police home police house भारत सरकार योजना सुकन्या समृध्दी योजना