Categories: Featured अर्थ/उद्योग कृषी

शेतकऱ्यांसाठी खूशखबर ! ईलेक्ट्रिक ट्रॅक्टर वाचवणार तुमचा पैसा अन् वेळ – ही आहेत ‘खास’ वैशिष्टे…

शेतीसाठी यांत्रिककरणाची मदत घेण्याचे प्रमाण दिवसेंदिवस वाढत आहे. शेतकरी आता मशागतीसाठीही यंत्रांचा वापर करताना दिसतात. शेतीच्या यांत्रिकरणामध्ये सर्वाधिक वापरले जाणारे यंत्र म्हणजे ट्रॅक्टर. नांगरणी आणि इतर विविध कामांसाठी ट्रॅक्टरचा वापर मोठ्या प्रमाणात होत असतो. परंतु  दिवसेंदिवस इंधनांचे दर गगनाला भिडत असल्याने शेतकऱ्यांच्या खिशाला कात्री बसते. ट्रॅक्टर म्हणा किंवा इतर वाहने त्यांच्या इंधनावरतीच सर्वाधिक खर्च करावा लागतो. परंतु आता बाजारात असे ट्रॅक्टर येत आहेत जे आपला पैसा आणि वेळही वाचवणार आहेत. याआधी ईलेक्ट्रिक बस, कारविषयी आपण ऐकलं किंवा वाचलं असेल पण आता बाजारात ईलेक्ट्रिक ट्रॅक्टरही येत आहेत. या ट्रॅक्टरमुळे आपला इंधनावर होणारा मोठा खर्च आणि वेळ या दोन्ही गोष्टी वाचणार आहेत.

काय फरक आहे डिझेल – नॉर्मल ट्रॅक्टर आणि  ई-ट्रॅक्टरमध्ये

  • या दोन्ही ट्रॅक्टरमधील मुख्य फरक म्हणजे त्यांची ऑपरेटिंग किंमत.
  • ई-ट्रॅक्टरचा ऑपरेटिंग खर्च एका तासामध्ये सुमारे २५ ते  ३०  रुपये असेल.
  • सामान्य ट्रॅक्टर चालविण्यास दर तासाला सुमारे दीडशे रुपये खर्च येतो.
  • ई- ट्रॅक्टर प्रति तासाला शेतकऱ्यांचे सुमारे १२० रुपयांची बचत करेल. 
  • जर प्रत्येक तासाला तुमचे १२० रुपये वाचत असतील तर तुमचा मुबलक पैसा वाचणार आहे.
  • ईलेक्ट्रिक ट्रॅक्टर शुन्य उत्सर्जन करेल अशा पद्धतीने बनविण्यात आले आहे, यामुळे हे पर्यावरणासाठी अनुकूल आहे. 
  • ईलेक्ट्रिक ट्रॅक्टरमधील बॅटरी आपण बदलू शकतो, आणि त्याला परत चार्जही करू शकतो.
  • सर्वात महत्वाची गोष्ट म्हणजे हे ट्रॅक्टर डिझेल ट्रॅक्टरच्या किंमतीच्या तुलनेत स्वस्तही आहेत.

इलेक्ट्रिक ट्रॅक्टर उत्पादक

सेलेस्ट्रियल ई-मोबिलिटीचे सह-संस्थापक आणि मुख्य कार्यकारी अधिकारी सिद्धार्थ दुराराजन या ट्रॅक्टरविषयी बोलताना म्हणाले की, हे ट्रॅक्टर शेतकऱ्यांचा ऑपरेटिग खर्च वाचवते. एका तासाला लागणारा १५० रुपयांचा खर्च कमी होऊन हा फक्त २५ ते ३० रुपये लागणार आहे.  शेतकऱ्यांना फायदेशीर ठरणारा ई- ट्रॅक्टर लवकरच  भारतीय बाजारपेठांमध्ये उपलब्ध होईल. भारतीय शेतकऱ्यांसाठी ट्रॅक्टर घेणे हे फार आव्हानात्मक गोष्ट असते. कारण ट्रॅक्टर घेण्यासाठी लागणारा खर्च आणि ऑपरेटिंगसाठी लागणारं मनुष्यबळ आदी गोष्टी ह्या आव्हानात्मक असतात. पण शेतकरी बांधव आता ट्रॅक्टर खरेदी करु शकतील कारण ई-ट्रॅक्टरची किंमत ही इतर ट्रॅक्टरपेक्षा कमी असल्याचेही दुराजन म्हणाले. नियमित ट्रॅक्टरची किंमत ही साधारण ६ लाख रुपये आहे. परंतु या ई- ट्रॅक्टरची किंमत ५ लाख रुपये असणार आहे. शिवाय तासाचा ऑपरेटिंग खर्च हा फक्त २५ ते ३० रुपये येणार आहे.

Special features of e-tractor ई-ट्रॅक्टरची वैशिष्ट्ये

  • ई-ट्रॅक्टर्समुळे शेतकऱ्यांचा वेळ वाचणार आहे, कारण ई-ट्रॅक्टरचे इंजिन ३०० भागात येत नाही. साधरण ट्रॅक्टरचे इंजिन ३०० पार्टमध्ये येत असते.
  • आपण या ट्रॅक्टरची बॅटरी बदलू शकतो, किंवा त्याला परत चार्ज करु शकतो.
  • ई-ट्रॅक्टरची पावर ही ६ एचपी आहे, पण ही पावर साधरण ट्रॅक्टरच्या २१ एचपीच्या बरोबरीची आहे.
  • एकदा चार्जिंग केल्यानंतर ई-ट्रॅक्टर ७५ किलोमीटर धावू शकते.
  • इलेक्ट्रिक ट्रॅक्टर २० किमी प्रतितास वेगाने धावू शकते.
  • औद्योगिक ट्रॅक्टरमध्ये निवासी वातावरणात बॅटरी पूर्णपणे चार्ज होण्यासाठी सहा तासांपर्यंतचा कालावधी लागतो जेथे औद्योगिक उर्जा सॉकेटमधील बॅटरी २ तासात वेगवान चार्ज होऊ शकते.
Team Lokshahi News

Share
Published by
Team Lokshahi News
Tags: Celestrial E-Mobility Cost of electric tractor E-tractor Electric Tractors save time and money Electric Tractors to Reduce Cost of Farming farm management ई-ट्रॅक्टर ईलेक्ट्रिक ट्रॅक्टर वाचवणार तुमचा पैसा उन्नत शेती समृद्ध शेतकरी अभियानांतर्गत कृषी यांत्रिकीकरण योजना कृषि यांत्रिकीकरण उपअभियान कृषी यांत्रिकीकरण योजना 2020 महाराष्ट्र शासनाच्या शेती विषयक योजना यांत्रिकीकरण in english शेती यांत्रिकीकरण शेतीचे यांत्रिकीकरण सेलेस्ट्रियल ई-मोबिलिटी