Categories: शिक्षण/करिअर

आयटीआय प्रवेशाबद्दल महत्वाची बातमी

मुंबई | आयटीआय अभ्यासक्रमासाठी ऑनलाईन प्रवेश अर्ज सादर करण्याची अंतिम मुदत संपली असून येत्या शनिवारी गुणवत्ता यादी प्रसिध्द होणार आहे. कोरोनाचे सावट सर्वच क्षेत्रावर असताना शिक्षण क्षेत्र ही यातून सुटले नाही. मात्र विद्यार्थ्यांनी व्यवसायिक शिक्षणाला पसंती देत प्रवेशक्षमतेच्या तुलनेत दुप्पट नोंदणी केली आहे. त्यामुळे या अभ्यासक्रमाची लोकप्रियता कायम असल्याचे स्पष्ट झाले. 

राज्यातील खासगी आणि सरकारी आयटीआयमध्ये जागांसाठी प्रवेशाची पहिली प्रवेश यादी ८ सप्टेंबरला जाहीर करण्यात येईल. 

  • पहिल्या यादीतील प्रवेशासाठी ९ ते १४ सप्टेंबर या कालावधीत प्रवेश घेता येणार आहे.
  • दुसऱ्या प्रवेश फेरीसाठी विद्यार्थ्यांना ९ ते १४ सप्टेंबर या कालावधीत विकल्प भरावे लागतील. या फेरीची यादी १७ सप्टेंबरला जाहीर होईल. दुसऱ्या यादीतील प्रवेशासाठी १८ ते २२ सप्टेंबर या कालावधीत प्रवेश निश्चित करावा लागेल.
  • तिसऱ्या फेरीसाठी १८ ते २२ सप्टेंबर या कालावधीत विकल्प भरावे लागतील. या फेरीची यादी २५ सप्टेंबरला जाहीर होईल. तिसऱ्या यादीतील प्रवेशासाठी २६ ते ३० सप्टेंबर या कालावधीत प्रवेश निश्चित करावा लागेल.
  • चौथ्या फेरीसाठी २६ ते ३० सप्टेंबर या कालावधीत विकल्प भरावे लागतील. या फेरीची यादी ५ ऑक्टोबरला जाहीर होईल. चौथ्या यादीतील प्रवेशासाठी ६ ते ९ ऑक्टोबर या कालावधीत प्रवेश निश्चित करावा लागेल.

नव्याने अर्ज करण्यासाठी १० सप्टेंबर ते ५ ऑक्टोबर पर्यंत मुदतवाढ देण्यात आली आहे. एकत्रित गुणवत्ता यादी ११ ऑक्टोबर रोजी जाहीर होणार असून प्रवेश प्रक्रिया संपल्यानंतर १२  ते १८ ऑक्टोबर जिल्हास्तरावर समुपदेशन फेरी राबविण्यात येणार आहे. या प्रवेशाचे सुधारित वेळापत्रक आयटीआयच्या या वेबसाईटवर उपलब्ध वरून देण्यात आले आहे. https://admission.dvet.gov.in  

Team Lokshahi News