Categories: हवामान

कोल्हापूर : जिल्ह्यातील धरणांची पाणीपातळी, विसर्ग आणि पावसाचे अपडेट

कोल्हापूर | जिल्ह्यात पावसाचा जोर कायम असल्याने ९४ बंधारे पाण्याखाली गेले आहेत. राधानगरी धरणाचे चार स्वयंचलित दरवाजे उघडले असून ७११२ क्युसेक पाण्याचा विसर्ग सुरू आहे. तर पंचगंगा नदीची पाणीपातळी ३७ फूट ७ इंचावर पोहचली असून इशारा पातळीकडे वाटचाल सुरू आहे. कोल्हापूर जिल्ह्यातील धरणक्षेत्रात पावसाचा जोर कायम आहे. त्यामुळे सर्वच नद्यांना पूर आल्याचे पहायला मिळत आहे. यामुळे जिल्ह्यातील अनेक प्रमुख मार्गही बंद झाल्याने अनेक गावांचा संपर्क तुटलाय. तर काही ठिकाणी पर्यायी मार्गाने वहातूक वळवण्यात आली आहे. 

जिल्ह्यातील प्रमुख धरणातील पाण्याचा विसर्ग –

  • राधानगरी धरणाचे 3/5/6/4/ स्वयंचलित दरवाजे उघडले असुन विसर्ग ७११२ क्युसेक आहे.
  • तुळशी- ८८४ क्युसेक, वारणा- १४४८६ क्युसेक, दुधगंगा- १२९५० क्युसेक, कासारी- १७५० क्युसेक, कडवी -२५१९ क्युसेक, कुंभी – ६५० क्युसेक, पाटगाव – १०७२, चिकोत्रा – ००, चित्री -२००५ क्युसेक, जंगमहट्टि – ६३४ क्युसेक, घटप्रभा -२७२४ क्युसेक, जांबरे – २२६५ क्युसेक, कोदे- ८१८ क्युसेक या प्रमाणे आहे

जिल्ह्यातील प्रमुख बंधाऱ्यांची पाणी पातळी –

  • राजापूर बंधारा पाणी पातळी  ४१ फुट ० इंच आहे (धोका पातळी -: ५८ फुट इशारा पातळी-:  ५३ फुट)
  • नृसिंहवाडी  पाणीपातळी सध्या ५० फुट  ० इंच आहे (धोका पातळी ६८ फुट  इशारा पातळी  ६५ फुट)
  • शिरोळ  पाणीपातळी सध्या ५२’६”फुट आहे  (धोका पातळी -: ७८ फुट इशारा पातळी-:  ७४ फुट आहे)
  • इचलकरंजी  पाणीपातळी सध्या ६० फुट  ६ इंच आहे( धोका पातळी-: ७१ फुट  इशारा पातळी-: ६८ फुट)
  • तेरवाड  पाणी पातळी सध्या ५५ फुट ० इंच आहे( धोका पातळी -:  ७३ फुट इशारा पातळी -: ७१ फुट)

महत्वाचे – 

  • कोयना धरण  पाणी पातळी ६५६.३८७ मी., सध्या ९२.३९ टि.एम.सी ( ८७.७४ टक्के भरले), आवक ११४९८०, जावक विसर्ग – ५५९५८ क्युसेक
  • अलमट्टि पाणी पातळी ५१८.८० मी., १०९.७६ टि.एम.सी., आवक १२७५८२ व जावक विसर्ग – २५०००० क्युसेक

जिल्ह्यात काल दिवसभरात चंदगड तालुक्यात 130.83 मिमी पाऊस पडल्याची नोंद झाली आहे. आज सकाळी 8 वाजेपर्यंतच्या 24 तासात पडलेला आणि आतापर्यंत पडलेल्या एकूण पावसाची तालुका निहाय आकडेवारी मिमीमध्ये. कंसातील आकडे एकूण पावसाचे आहेत.
हातकणंगले – 25.25 (431.63), शिरोळ – 20.71 (354), पन्हाळा – 69.43 (1218.57), शाहूवाडी – 73 (1515), राधानगरी – 89 (1652.83), गगनबावडा -124.50 (4133), करवीर – 67.55 (891.27), कागल – 61.71 (1096.86), गडहिंग्लज – 60.43 (777.43), भुदरगड -94.40 (1267.40), आजरा – 116.25 (1798.75), चंदगड – 130.83 (1866.17) पाऊस या वर्षी पडल्याची नोंद आहे.

Team Lokshahi News