Categories: न्यायालय मनोरंजन सामाजिक

बैलगाडा शर्यत बंदी उठवण्यासाठी मंत्री सुनील केदार यांनी दिले ‘हे’ आदेश..!

मुंबई | बैलगाडा शर्यतबंदीवर पुन्हा नव्याने न्यायालयात प्रतिज्ञापत्र  सादर करा असे आदेश राज्याचे पशुसंवर्धन मंत्री सुनील केदार दिलेत. मुंबईत झालेल्या बैठकीनंतर त्यांनी हे आदेश दिलेत. सर्वोच्च न्यायालयात या प्रकरणी सुनावणी लवकर व्हावी यासाठी महाधिवक्ता आशिष कुंभकोणी यांच्याशी चर्चा करण्याचे आश्वासनही मंत्री केदार यांनी दिल्याची माहिती शिरूर लोकसभा मतदारसंघाचे खासदार डॉ. अमोल कोल्हे यांनी दिली आहे.

पशुसंवर्धनमंत्री सुनील केदार यांनी बैलगाडा शर्यत बंदी उठविण्याबाबत रणनीती ठरविण्यासाठी मंत्रालयात बैठक आयोजित केली होती. या बैठकी विषयी डॉ. कोल्हे यांनी ही माहिती दिली. या बैठकीला माथाडी कामगार नेते नरेंद्र पाटील, बैलगाडा संघटनेचे बाळासाहेब आरूटे, नितीन शेवाळे, धनाजी शिंदे, संदीप बोदगे, रामकृष्ण टाकळकर, अमोल हरपळे आणि पशुसंवर्धन विभागाचे अतिरिक्त आयुक्त डॉ. परकाळे, सहआयुक्त डॉ. प्रशांत भड, अवरसचिव डॉ. सं. श्री. पंचपोर, सहसचिव माणिक गुट्टे आदी उपस्थित होते.

Team Lokshahi News

Share
Published by
Team Lokshahi News
Tags: बैलगाडा शर्यत बैलगाडा शर्यत बंदी