Categories: कृषी

PM Kisan योजनेची नवीन नोंदणी सुरू, आणखी ५.५ कोटी शेतकऱ्यांनाही मिळणार लाभ – ‘अशी’ करा आपल्या नावाची नोंदणी!

केंद्र सरकारने नवीन वित्त वर्षात PM Kisan योजनेत नवीन नावे जोडण्याची प्रक्रिया चालू केली आहे. नवीन आर्थिक वर्ष सुरू झाले आहे, त्यामुळे आता नवीन यादी जाहीर केली जाणार आहे. यापूर्वी शेतकऱ्यांना त्यांचे नाव यादीत समाविष्ट करणे आणि त्याची पडताळणी करण्याची संधी देण्यात आली होती.

नवी दिल्ली। सध्या देशात लॉकडाऊनची स्थिती आहे. त्याचा गरीब, शेतकरी आणि मजूर वर्गावर मोठा प्रभाव पडला आहे. यामुळे अनेकांना या परिस्थितीशी तोंड देताना अनेक संकटांचा सामना करावा लागत आहे. त्यामुळे यावर्गाला दिलासा देण्यासाठी केंद्र सरकार अनेक प्रयत्न करत आहे. त्याच पार्श्वभूमीवर केंद्र सरकारने एप्रिलच्या पहिल्या पंधरवड्यातच तब्बल ८.८९ कोटी शेतकऱ्यांच्या खात्यात १७ हजार ७९३ कोटी रूपये जमा केलेत.  वर्षाला ६००० रूपये प्रत्येक शेतकऱ्यांच्या खात्यात देणारी ही योजना वर्षातील ३ हप्त्यात शेतकऱ्यांना याचे वाटप करते. 

सध्या नवीन आर्थिक वर्ष २०२०-२१ सुरू झाले असून नव्या आर्थिक वर्षात ज्या शेतकऱ्यांना अद्याप पीएम किसान योजनेचा लाभ मिळालेला नाही अशा शेतकऱ्यांच्या नावांचा समावेश करण्याचे काम सुरू करण्यात आले आहे. देशातील जवळपास १४.५ कोटी शेतकऱ्यांना या योजनेचा लाभ देण्याचा सरकारचा प्रयत्न आहे. परंतु अद्याप ९ कोटी शेतकऱ्यांचेच रजिस्ट्रेशन झाल्याचे समजते. त्यामुळे उर्वरित ५.५ कोटी लोकांचे रजिस्ट्रेशन आणि त्यांना दिला जाणारा लाभ यावर्षी देण्याचे सरकारचे नियोजन आहे. तसेच ज्यांनी खोटी कागदपत्रे जमा करून याचा लाभ उठवला आहे, अशा शेतकऱ्यांची नावे वगळून नव्याने यादी जाहीर केली जाणार आहे. 

योजनेची नोंदणी करण्यासाठी अनेक पर्याय उपलब्ध आहेत. 

  • भारत सरकारचे संकेतस्थळ www.pmkisan.gov.in/ वर जाऊन नोंदणी करता येते. या लिंकवरून आपण थेट नोंदणी करू शकता https://www.pmkisan.gov.in/RegistrationForm.aspx. येथे अर्ज भरून स्वतःच नोंदणी करता येते.
  • तुम्ही राज्य सरकार द्वारे नियुक्त करण्यात आलेल्या पीएम – योजनेच्या नोडल अधिकाऱ्याशी संपर्क साधून ही योजनेत नाव समाविष्ट करु शकता.
  • आपल्याजवळील सामान्य सेवा केंद्रावर जाऊन आपला अर्ज भरू शकता.

पीएम – किसान (PM Kisan Scheme) योजनेसाठी कोणते कागदपत्र लागतात

  • आधार कार्ड
  • बँक खाते
  • सातबारा उतारा
  • रहिवाशी प्रमाणपत्र

आपली नोंदणी झाल्यानंतर शेतकऱ्यांनी www.pmkisan.gov.in/ या संकेतस्थळावर जाऊन Farmers Corner वर आपल्या अर्जाची, देयक आणि इतर तपशीलाची माहिती वेळोवेळी घेतली पाहिजे.

यापध्दतीने पहा तपशील

  • मुख्यपृष्ठ मेनू बार पहा आणि येथे ‘फार्मर कार्नर’ वर जा.
  • येथे ‘लाभार्थी यादी’ च्या दुव्यांवर क्लिक करा.
  • यानंतर राज्य, जिल्हा, उप-जिल्हा, ब्लॉक आणि ग्रामीण तपशील प्रविष्ट करा.
  • माहिती भरल्यानंतर सबमिट करा आणि अहवाल प्राप्त करा.
  • पीएम किसान योजनेसाठी स्वतः रजिस्ट्रेशन करा – New Farmer Registraion
  • आधार अपडेट माहिती Edit Aadhar failuar Record
  • शेतकऱ्यांना त्यांच्या खात्यात जमा झालेल्या हप्त्यांची माहिती – BeneficiaryStatus
  • गावनिहाय लाभार्थ्यांची यादी – Beneficiary List
  • स्वत: नाव नोंद केलेले/CSC वरून नोंद केलेल्या शेतकऱ्यांची माहितीStatus of Self Registered/CSC Farmer
Rajendra Hankare

Share
Published by
Rajendra Hankare
Tags: 6000 ruppees PM KISAN SAMMAN YOJANA buy insurance Farmer loan get insurance Insurance KISAN SAMMAN YOJANA online crop loan ONLINE PM KIsan PM KISAN LIST PM KISAN LIST 2019 PM KISAN LIST 2020 PM KISAN SAMMAN NIDHI YOJANA PM KISAN SAMMAN NIDHI YOJANA 2019 PRADHAN MANTRI KISAN SAMMAN NIDHI YOJANA 2019 एलजी डायरेक्टरी किसान कॉल सेंटर योजना किसान सम्मान निधि योजना पीएम किसान पीएम किसान निधि योजना पीएम किसान पोर्टल पीएम किसान योजना लिस्ट पीएम किसान समाधान योजना पीएम किसान सम्मान निधि योजना पीएम किसान सम्मान योजना लिस्ट पीएम-किसान योजना प्रधानमंत्री किसान निधि योजना फार्म प्रधानमंत्री किसान सम्मान निधि योजना मोदी सरकार मोदी सरकार की योजना शेतकऱ्यांच्या मदतीसाठी किसान कॉल सेंटर