Categories: Featured

PM Kisan : कोल्हापूर जिल्ह्यातील ‘हे’ १४ हजार ६६७ जण अपात्र; वसूल केले जाणार कोट्यावधी रूपये

कोल्हापूर | पीएम किसान योजनेत अपात्र ठरलेल्या लोकांकडून पैसे वसूल करण्याचे काम सध्या सुरू आहे. कोल्हापूर जिल्ह्यातील तब्बल १४ हजार ६६७ जणांचा यात समावेश असून वसूल केली जाणारी रक्कम १७ कोटी ६० लाखांच्या घरात जाण्याची शक्यता आहे. सध्या केंद्र सरकारने पीएम किसान योजनेत सुरू असेलले घोटाळे ध्यानात घेत चुकीच्या पध्दतीने या योजनेचा लाभ उकळणाऱ्यांना वेसण घालणे सुरू केले आहे. त्यासाठी प्रत्यक्ष पडताळणी करून खऱ्या लाभार्थींपर्यंत लाभ पोहचवण्यासाठी सरकार प्रयत्नशील आहे. 

  • पीएम किसान योजनेत नाव नोंदवून सुध्दा पैसे मिळत नसतील तर अशा शेतकऱ्यांनी प्रथम PM Kisan ही वेबसाईट ओपन करून साईटवरील फार्मर्स कॉर्नरला भेट द्यावी. याठिकाणी Edit Aadhar failure Record, Updation of self Registration या लिंक वर जाऊन आवश्यक ते बदल करता येतात. नवीन नोंदणी करायची असेल तरीही ती याठिकाणी असणाऱ्या New Registration या पर्यायावर जाऊन करता येते. तर लाभार्थ्यांच्या खात्याची अथवा संपूर्ण गावातील लाभार्थी यादी पाहण्यासाठी Benificiary Status आणि Benificiary list हे दोन पर्याय देखील उपलब्ध आहेत. 

पीएम किसान योजना ही देशातील सर्वात लोकप्रिय योजना असून जवळपास ११ कोटींहून अधिक शेतकऱ्यांना या योजनेचा लाभ देण्यात आला आहे. दरवर्षी तीन समान हप्त्यात शेतकऱ्यांच्या खात्यात थेट हस्तांतरणाव्दारे पैसे जमा करणारी ही देशातील एकमेव योजना आहे. कोरोना लॉकडाऊनच्या काळात ही योजना कोट्यावधी शेतकऱ्यांना लाभदायक ठरल्याचे पहायला मिळाले. परंतु काही लोकांकडून चुकीच्या पध्दतीने या योजनेचा लाभ उकळला जात असल्याचेही दिसून आल्याने सरकारने कडक धोरण अवलंबून अपात्र लोकांची नोंदणीच रद्द करून दिलेली रक्कम वसूल करण्यास सुरवात केली आहे. 

  • पीएम किसान योजनेसाठी ‘हे’ आहेत अपात्र
    • शेत जमीन दुसऱ्या कामासाठी वापरणारे शेतकरी या योजनेसाठी पात्र नाहीत.
    • संवैधानिक पदावर असल्यास, म्हणजे भूतकाळात किंवा वर्तमान काळात संवैधानिक पदावर कार्यरत असल्यास ती व्यक्ती या योजनेचा लाभ घेऊ शकत नाही.
    • केंद्र किंवा राज्य सरकारमध्ये अधिकारी असल्यास किंवा १० हजार रुपयांपेक्षा अधिकची पेन्शन घेणारे शेतकरी या योजनेचा लाभ घेऊ शकत नाहीत .
    • डॉक्टर, इंजिनिअर, सीएम, वकील यांनाही या योजनेचा लाभ घेता येणार नाही.
    • जे शेतकरी इन्कम टॅक्स भरतात ते शेतकरी या योजनेसाठी अपात्र आहेत.

सध्या कोल्हापूर जिल्ह्यात ६ लाख ३८ हजार शेतकऱ्यांनी पीएम किसान योजनेत नोंदणी केली असून ५ लाख १९६७ शेतकऱ्यांना लाभ मिळाला आहे. ज्या शेतकऱ्यांना लाभ मिळालेला नाही, त्यांनी त्यांच्या नावातील चुका, आधार कार्डवरील चुका, बॅंकेतील नाव आणि खाते नंबरमधील चुका, अशा काही तांत्रिक बाबींची पडताळणी करून चुका दुरूस्त करणे गरजेचे आहे. अन्यथा अशा शेतकऱ्यांना लाभ घेण्यास पात्र असून देखील लाभ मिळणार नाही. 

Team Lokshahi News

Share
Published by
Team Lokshahi News
Tags: 24000 rupees pm kisan 6000 RUPEES PM KISAN SAMMAN YOJANA buy insurance Farmer loan get insurance Insurance Kisan credit card KISAN SAMMAN YOJANA online crop loan ONLINE PM KIsan PM KISAN LIST PM KISAN LIST 2019 PM KISAN LIST 2020 PM kisan penssion scheme PM KISAN SAMMAN NIDHI YOJANA PM KISAN SAMMAN NIDHI YOJANA 2019 PRADHAN MANTRI KISAN SAMMAN NIDHI YOJANA 2019 एलजी डायरेक्टरी किसान क्रेडीट कार्ड किसान सम्मान निधि योजना पीएम किसान पीएम किसान निधि योजना पीएम किसान पोर्टल पीएम किसान मानधन योजना पीएम किसान योजना लिस्ट पीएम किसान समाधान योजना पीएम किसान सम्मान निधि योजना पीएम किसान सम्मान योजना लिस्ट पीएम-किसान योजना प्रधानमंत्री किसान निधि योजना फार्म प्रधानमंत्री किसान सम्मान निधि योजना मोदी सरकार मोदी सरकार की योजना