Categories: कृषी गुन्हे बातम्या

PM किसान : कोल्हापूर जिल्ह्यातील शेतकऱ्यांकडून होणार १३ कोटी ४० लाखांची वसूली, ‘या’ शेतकऱ्यांचा आहे समावेश

कोल्हापूर | प्रधानमंत्री किसान सन्मान निधी योजनेचा लाभ घेतलेल्या जिल्ह्यातील अपात्र १३ हजार ६०९ शेतकर्‍यांना आता कारवाईचा सामना करावा लागणार आहे. या शेतकऱ्यांकडून तब्बल १३ कोटी ४० लाख ८२ हजार रुपयांची वसूली केली जाणार असून ही रक्‍कम वसूल करण्याचे आदेश जिल्हाधिकारी दौलत देसाई यांनी सर्व तहसीलदारांना दिले आहेत. 

पीएम किसान योजनेच्या लाभासाठी पात्र ठरणार्‍या शेतकर्‍यांचे निकष यापूर्वीच केंद्र शासनाने जाहीर केले आहेत. यामध्ये आयकर भरणारे शेतकरी लाभ घेण्यास अपात्र ठरविण्यात आले आहेत. तरीही जिल्ह्यातील आयकर भरणार्‍या शेतकर्‍यांनी बोगसगिरी करण्याच्या उद्देशाने या योजनेसाठी अर्ज केले आहेत. केंद्र शासनाने दिलेल्या यादीनुसार राज्याच्या पी.एम. किसान पथकप्रमुख तथा राज्याच्या कृषी उपायुक्‍तांनी अशा आयकर भरणार्‍या जिल्ह्यातील १३ हजार ४३७ शेतकर्‍यांची यादी जिल्हा प्रशासनाला पाठवली आहे. प्राप्त झालेल्या यादीनुसार आयकर भरणाऱ्या शेतकऱ्यांना पीएम किसान योजनेअंतर्गत १३ कोटी २६ लाख ३२ हजार रूपये वितरित करण्यात आले आहेत. ही सर्व रक्कम आता वसूल करण्याचे आदेश जिल्हाधिकाऱ्यांनी दिले आहेत. 

  • पीएम किसान योजनेसाठी स्वतः रजिस्ट्रेशन करा – New Farmer Registraion
  • आधार अपडेट माहिती Edit Aadhar failuar Record
  • शेतकऱ्यांना त्यांच्या खात्यात जमा झालेल्या हप्त्यांची माहिती – BeneficiaryStatus
  • गावनिहाय लाभार्थ्यांची यादी – Beneficiary List
  • स्वत: नाव नोंद केलेले/CSC वरून नोंद केलेल्या शेतकऱ्यांची माहितीStatus of Self Registered/CSC Farmer

याबरोबरच या योजनेत मृत, दुबार लाभ, चुकीने मिळालेला लाभ अशा १७२ शेतकऱ्यांचीही यादी जिल्हा प्रशासनाला प्राप्त झाली आहे. अशा अपात्र लोकांनाही गेल्या तीन वर्षांत पंतप्रधान किसान सन्मान निधी योजनेअंतर्गत १४ लाख ५० हजारांचा निधी वितरित करण्यात आला आहे. अशा एकूण १३ हजार ६०९ शेतकर्‍यांकडून १३ कोटी ४० लाख ८२ हजारांची वसूली प्रशासन करणार आहे. यासाठी तहसीलदारांना स्वतंत्र बँक खाते काढण्याची सूचना देण्यात आली असून वसूल झालेली रक्कम या खात्याद्वारे जिल्हा प्रशासनाकडे वर्ग करावी लागणार आहे. त्यानंतर ही रक्कम कृषी आयुक्‍तालयाच्या खात्यावर जमा केली जाणार आहे.

Team Lokshahi News

Share
Published by
Team Lokshahi News
Tags: 24000 rupees pm kisan 6000 RUPEES PM KISAN SAMMAN YOJANA buy insurance Farmer loan get insurance Insurance Kisan credit card KISAN SAMMAN YOJANA online crop loan ONLINE PM KIsan PM KISAN LIST PM KISAN LIST 2019 PM KISAN LIST 2020 PM kisan penssion scheme PM KISAN SAMMAN NIDHI YOJANA PM KISAN SAMMAN NIDHI YOJANA 2019 PRADHAN MANTRI KISAN SAMMAN NIDHI YOJANA 2019 एलजी डायरेक्टरी किसान क्रेडीट कार्ड किसान सम्मान निधि योजना पीएम किसान पीएम किसान निधि योजना पीएम किसान पोर्टल पीएम किसान मानधन योजना पीएम किसान योजना लिस्ट पीएम किसान समाधान योजना पीएम किसान सम्मान निधि योजना पीएम किसान सम्मान योजना लिस्ट पीएम-किसान योजना प्रधानमंत्री किसान निधि योजना फार्म प्रधानमंत्री किसान सम्मान निधि योजना मोदी सरकार मोदी सरकार की योजना