Categories: Featured अर्थ/उद्योग

प्रधानमंत्री जनधन योजनेचे पैसे लाभार्थ्यांच्या खात्यात जमा, असा तपासा बॅलन्स

नवी दिल्ली। लॉकडाऊनच्या पार्श्वभूमीवर केंद्रीय वित्तमंत्रालयाने पंतप्रधान जनधन योजनेअंतर्गत १६.०१ कोटी लाभार्थ्यांच्या खात्यात ३६,६५९ कोटी रुपये थेट लाभ हस्तांतरण (DBT) च्या माध्यमातून जमा केले आहेत. या योजनेची सुरवात पंतप्रधान नरेंद्र मोदी यांनी २८ ऑगस्ट २०१४ रोजी केली आहे. तर याची घोषणा १५ ऑगस्ट २०१४ ला करण्यात आली होती. 

लॉकडाऊनमुळे सर्वसामान्यांचे जनजीवन विस्कळीत झाले आहे. त्यामुळे केंद्र सरकारने जनधन खातेधारकांना हा मोठा दिलासा दिल्याचे बोलले जात आहे. १७ मार्च ते १७ एप्रिलच्या कालावधीत ३६,६५९ कोटी रुपयांची ही रक्कम वितरित करण्यात आली आहे. याबरोबरच प्रधानमंत्री गरीब कल्याण योजनेअंतर्गत घोषित करण्यात आलेल्या रोख रकमेचेही DBT मार्फत थेट लाभार्थ्यांच्या खात्यात डिजिटल पेमेंट करण्यात आले आहे. 

प्रधानमंत्री गरीब कल्याण योजनेअंतर्गत, जनधन खात्यातील महिला खातेधारकांच्या खात्यात प्रत्येकी ५०० रुपये जमा करण्यात येत आहे. १३एप्रिल २०२० पर्यंत अशा महिला लाभार्थ्यांची संख्या १९.८६ कोटी होती, त्यांच्या खात्यात एकूण ९९३० कोटी रुपये जमा करण्यात आले आहेत. याशिवाय प्रधानमंत्री उज्ज्वला गॅस योजनेअंतर्गतही महिलांच्या खात्यात गॅसची सबसिडी जमा करण्यात आली आहे. 

तुमचा जन धन योजना खात्याची शिल्लक कशी तपासायची?

  • स्टेट बॅंक ऑफ इंडिया (SBI) –  18004253800 आणि 1800112211
  • बॅंक ऑफ इंडिया (BOI) – 09015135135, 9015135135
  • बॅंक ऑफ बडोदा (BOB) – 8468 00 1111
  • इंडियन बॅंक (Indian Bank) – 180042500000, 9289592895
  • पंजाब नॅशनल बॅंक (PNB) – 18001802223 या 01202303090
  • एक्सिस बॅंक (Axis Bank) – 18004195959
  • HDFC बॅंक – 18002703333
  • कॅनरा बँक 09015483483,09015734734
  • पंजाब नॅशनल बँक 18001802222, 18001802223, 01202303090
  • बँक ऑफ महाराष्ट्र 9222281818
  • पंजाब आणि सिंध बँक 7039035156
  • युको बँक 9278792787
  • देना बँक 09278656677, 09289356677
  • आयसीआयसीआय 9594612612
  • ओरिएंटल बँक ऑफ कॉमर्स 08067205757
  • कॉर्पोरेशन बँक 9268892688
  • आयडीबीआय 18008431122
  • येस बँक 9223920000
  • युनियन बँक ऑफ इंडिया 09223008586
  • युनायटेड बँक ऑफ इंडिया 09015431345
  • अलाहाबाद बँक 9224150150

नॅशनल पेमेंट्स कॉर्पोरेशन ऑफ इंडियाने (एनपीसीआय) भारतातील बँकिंग ग्राहकांसाठी *99# सेवा सुरू केली आहे. या नवीन सेवेचा उपयोग ज्यांच्याकडे कोणत्याही बँकेत बँक खाते आहे अशा कोणालाही मोबाइल बँकिंगसाठी करता येईल. परंतु यासाठी तुमच्याकडे मोबाइल फोन, स्मार्ट फोन किंवा अगदी मूलभूत फोन असणे आवश्यक आहे. तसेच, मोबाइल फोन हा जीएसएम सक्षम असणे आवश्यक आहे. तथापि, सीडीएमए हँडसेटचे वापरकर्ते ही सुविधा वापरू शकत नाहीत

Team Lokshahi News