मुंबई | भारतीय सैन्यासोबत काम करण्याची इच्छा असलेल्या उमेदवारांसाठी महत्वाची बातमी आहे. दक्षिण कमांड हेडक्वार्टरमध्ये ग्रुप सी सिव्हिलियनच्या (Group C civilians at Southern Command Headquarters) भरतीसाठी सैन्याने जाहिरात प्रसिद्ध केली आहे.

एम्प्लॉयमेंट न्यूजमध्ये (Employment News) लष्कराने प्रसिद्ध केलेल्या जाहिरातीनुसार, आरोग्य निरीक्षक (Health inspector), न्हावी (barber) आणि चौकीदार (watchman) या पदांच्या एकूण 113 जागांसाठी पात्र उमेदवारांकडून अर्ज मागविण्यात येत आहेत. आरोग्य निरीक्षक पदांसाठी अर्ज करणाऱ्या उमेदवारांनी मान्यताप्राप्त शिक्षणसंस्थेतून दहावी उत्तीर्ण आणि सॅनिटरी इन्स्पेक्टर अभ्यासक्रमाचे प्रमाणपत्र घेतलेले असावे.

Army health inspector Recruitment 2022 : पदभरतीची जाहिरात पाहण्यासाठी येथे क्लिक करा
Indian Army Job 2022 : पदभरतीचा तपशील पाहण्यासाठी येथे क्लिक करा

अर्जाच्या शेवटच्या तारखेनुसार उमेदवाराचे वय 18 वर्षांपेक्षा कमी आणि 27 वर्षांपेक्षा जास्त नसावे. दुसरीकडे, न्हावी आणि चौकीदार पदांसाठी, उमेदवार दहावी उत्तीर्ण असावा आणि वय 18 ते 25 वर्षे दरम्यान असावे.

लष्करातील आरोग्य निरीक्षक, न्हावी आणि चौकीदार या पदांसाठी उमेदवारांच्या निवडीसाठी घेण्यात येणारी लेखी परीक्षा दोन तासांची असेल. त्यात जनरल इंटेलिजन्स आणि रिझनिंग, जनरल अवेअरनेस, जनरल इंग्रजी आणि न्यूमेरिकल एप्टीट्यूड विषयांतील एकूण 150 बहुपर्यायी प्रश्न असतील. परीक्षेत निगेटिव्ह मार्किंगही देखील असू शकते.

पदभरतीसाठी अर्ज करताना उमेदवारांनी रेझ्युमे, दहावी, बारावी आणि शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे. आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे.

या पदासाठी अर्ज करण्यास इच्छुक आणि पात्र उमेदवारांना विहित केलेल्या शेवटच्या तारखेपर्यंत अर्ज पाठवावे लागणार आहेत. उमेदवारांनी लष्कराने जाहीर केलेल्या अर्जाद्वारे ऑफलाइन मोडमध्ये अर्ज भरायचा आहे. आरोग्य निरीक्षक पदांसाठी शेवटची तारीख 6 जून 2022 आहे. तर न्हावी आणि चौकीदार पदांसाठी उमेदवारांना जाहिरात प्रसिद्ध झाल्यापासून 45 दिवसांच्या आत अर्ज सादर करता येतील.

अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.