Categories: अर्थ/उद्योग कृषी

किसान क्रेडीट कार्डधारकांसाठी स्टेट बॅंक ऑफ इंडियाने आणली ‘खास’ ऑफर..

मुंबई | किसान क्रेडीट कार्डधारकांसाठी एसबीआय ने एक ऑफर आणली आहे. यामुळे किसान क्रेडिट कार्डधारक शेतकरी आपल्या क्रेडिट कार्डची मर्यादा वाढवू शकतील. स्टेट बँकेने आपल्या योनो कृषीवर किसान क्रेडिट कार्डवरील समीक्षा नावाची एक सुविधा सुरु केली आहे. याच्यामार्फत शेतकरी आपल्या किसान क्रेडिट कार्डची मर्यादा घरबसल्या वाढवू किंवा कमी करु शकतील. यासाठी बँकेच्या शाखेत जाण्याची गरज नाही. एसबीआयकडून सांगण्यात आले आहे की, योनो कृषीवर केसीसीचा समीक्षा पर्याय निवडा. दरम्यान मर्यादा वाढविण्याची प्रक्रिया ही फक्त ४ क्लिकने पुर्ण करता येते.

SBI बॅंकेच्या या अधिकृत वेबसाईटवरील SBI AGRICULTURE लिंकवर क्लिक करून किसान क्रेडीट कार्डसंदर्भात सर्व माहिती घेता येईल तसेच अर्जही भरता येईल.

किसान क्रेडीट कार्डची वैशिष्ट्ये

  • केसीसी खात्यात क्रेडिट बॅलन्सवर बचत खात्यावरील पैशांवर व्याज मिळते.
  • सर्व केसीसीधारकांना मोफत एटीएमसह डेबिट कार्ड दिले जाते.
  • तीन लाख रुपयांपर्यंतचे कर्ज फक्त २ टक्के व्याजदराने मिळते. यासह प्रत्येक वर्षात सूट देखील दिली जाते.
  • वेळेवर कर्जाची परतफेड केली तर व्याजातून अतिरिक्त ३ टक्क्यांची सूट मिळते.

सर्व  केसीसी कर्जासाठी अधिसूचित पीक किंवा अधिसूचित क्षेत्र, पीक विमाच्या अंतर्गत कवर केले जातात. पहिल्या वर्षाच्या कर्जाची रक्कम कृषी खर्च, कापणीनंतरचे खर्च आणि शेतीतील जमीन देखभाल खर्चाच्या आधारे ठरविली जाते. केसीसीच्या ६० लाख रुपयांपर्यंतच्या मर्यादेसाठी दुय्यम सुरक्षा आवश्यक नाही.

Team Lokshahi News

Share
Published by
Team Lokshahi News
Tags: canara bank kisan credit card online apply kisan credit card apply online kisan credit card apply online sbi kisan credit card form kisan credit card pdf pashu kisan credit card apply online PM Kisan Credit Card sbi kisan credit card application form